Við búum í Gödding skógi sem liggur á milli Vejle og Billund. Í húsinu, sem við keyptum árið 1999, var áður verslun fyrir sveitina, en við byrjuðum fljótlega að breyta veslunarhúsnæðinu í gistiheimili.

Í boði eru fjögur tveggja manna herbergi og eitt fjölskylduherbergi með svefnplássi fyrir fjóra. Hérna er einnig ágætis eldhús með öllum helstu áhöldum og borðstofa með sjónvarpi, videói og spilum fyrir börnin. Þá er í húsinu þráðlaus internet tenging. Tvö klósett (annað með sturtu) eru sameiginleg.

Húsið er umkringt 300 ha. Skógarsvæði. Þar mega allir ferðast um og þar er að finna leikvöll fyrir krakkana.

Í 4 km. fjarlægð frá okkur er góð fiskitjörn ( Put and Take ) og þar hafa margir af gestunum okkar veitt vænan silung. Við erum auðvitað með veiðistangir til útláns og veiði dagsins er svo hægt að grilla á kolagrillunum okkar í garðinum.

Ýmisleg fleira er í boði í næsta nágrenni. Ef ykkur langar út að borða getum við mælt með “ Møllemarkshus” sem er í göngufæri og “ Randbøldal Kro ” sem liggur ca. 4 km. frá okkur. Þarna er hægt að fá góðan danskan mat á góðu verði.

Þá eru það verslunarmöguleikarnir. Vejle er í aðeins 18 km fjarlægð og þar er göngugata með mörgum spennandi verslunum og í Kolding Storcenter í Kolding, sem er í rúml. 30 km. fjarlægð, eru allar hugsanlegar verslanir.

Héðan má segja að stutt sé í allar áttir fyrir dagstúra. Árósar eru í 70 km fjarlægð og þangað er um það bil klukkutíma akstur. Þar er hægt að fara í Tivoli Friheden, Den Gamle By eða Mosegård Museum, þar sem Gravballemanden er. Svo erum við auðvitað rétt hjá Legolandi og Ljónagarðinum.

Þá er það Himmelbjerget við Silkeborg . Það er ekki hægt að koma til Danmerkur nema fara í “fjallgöngu”. Og strandferðir, bíltúr á Fjón eða ferð til Þýskalands. Þetta eru bara nokkrir af möguleikunum fyrir eins dags túra.

Við aðstoðum ykkur eftir bestu getu að finna þá staði sem ykkur langar til að heimsækja.

Við hlökkum til að sjá ykkur.

Nokkrar gagnlegar krækjur:

Kolding Storcenter ( www.koldingstorcenter.dk )

Legoland ... (http://www.lego.com/legoland/billund//default.asp?locale=1030 )

Tivoli Friheden ... (http://www.friheden.dk/ )

Den gamle by ( http://www.dengamleby.dk/ )

Givskud ZOO ( http://www.givskudzoo.dk/showpage.asp?ID=1 )